مسرحية كيميائية (الفصل الثالث)

الفصل الثالث

الهدوء يعم المكان والصوديوم يفكر

الصوديوم : جتني فكرة جهنمية

الكلور : أكيد بتنتحر ..اعرفك مافيك عقل

الصوديوم : روح زين أنا بطلع وبسحبك وياي من الماي

الكلور : وبعدين

الصوديوم : شوف ذاك الصهريج؟ بندخل فيه

الكلور : ليش

الصوديوم : عشان تحته نار وبتصهرنا

الكلور : بس هذا يحتاج لدرجة حرارة عالية

الصوديوم : تراها نار قوية . خلنا نروح هناك وبتشوف

خرج الملح من الماء وذهب الى لينصهر
بعد الإنصهار

الصوديوم : يالله الجماعة اريد أختزل محد ينافسني الحين

الكلور : إنت اختزل تراك واطي وأنا دوم عالي الراس بتأكسد وبتصاعد

الصوديوم : أهم شي أتخلص منك وارجع فلز وانت ترجع غاز خفف مالك أي قيمة

الكلور : نقول تيس قال حلبوه

وبعد توصيل الدائرة الكهربائية إختزل أيون الصوديوم الى فلز الصوديوم مترسبا على قطب الجرافيت وتصاعد غاز الكلور وتم الانفصال الى الأبد\

يتبع,,,,,,,,,,,,,,,,,,,,,



الفصل الرابع

يلتقي مرة اخرى الصوديوم ومعه أيون الهيدروكسيد مكونا قاعدة والكلور ومعه أيون
الهيدروجين مكونا حمض

الصوديوم : هلا صديقي

الكلور : هلا والله بالقاطع

الصوديوم : بصراحة رغم انه دمك ثقيل ولسانك طويلة لكن اشتقتلك

الكلور : وانا بعد اشتقت لعنادك وطولة لسانك

الصوديوم : عيل خلنا نرجع لبعض

الكلور : كيف؟

الصوديوم : يقولون انه الحمض لما يتفاعل يعطي ملح وماء

الكلور : صحيح ؟

الصوديوم : أيوة وبنكون احنا الملح ومعانا الماء

الكلور : بس اعتقد لازم نكون نفس التركيز والحجم

الصوديوم : أكيد

وتم التفاعل بين الحمض والقاعدة وتكون ملح كلوريد الصوديوم مرة أخرى والماء

الماء : والله انكم شقيين مرة متصافيين مرة متهاوشين

الكلور : هذي هي الحياة

النهاية