بتسبه اولها المسرحية تاعت رزان بس بتختلف بعدين :--------------
الشخصيات: الصوديوم , الكلور , الماء
المكان : مختبر الكيمياء
الفصل الاول :
تضايق أيون الصوديوم من أيون الكلور وأراد الإنفصال عنه فدار بينهما الحوار التالي
الصوديوم : ياخي ضايقتني بهالرابطة اللي بيننا
الكلور : حد قالك تعطيني ألكترون من عندك , جرادة شاوية روحها
الصوديوم : كانت غلطة , تراني شفت نفسي متضايق من الالكترون الزيادة اللي عندي وانت تدور الكترون فعطيتك اياه
الكلور : عشان كذي أنا أموت فيك
الصوديوم : وانا أكرهك ياخي حل عني
الكلور : أحل عنك الإمتحان؟ خخخخخ
الصوديوم : بايخة مثل شكلك
الماء : ش فيكم ياجماعة شو صاير؟
الصوديوم : هذا الكلور مرتبط فيني برابطة أيونية فوق هذا دمه ثقيل ومايعرف يتهرج
الماء : تريد تتخلص من هذي الرابطة؟
الصوديوم : اليوم قبل باكر
الماء : إسمع , الرابطة اللي بينكم أيونية وانا مركب قطبي
الصوديوم : مافهمت ممكن توضح؟
الماء : المواد الايونية والقطبية تذوب بين جريئاتي لأني أنا عندي قطب موجب وهو الهيدروجين وقطب سالب وهو الأكسجين اللي راح يسحبك من صاحبك
الكلور : ,انا وين بروح ؟
الصوديوم : داهية لاترجعك غيب
الماء : هو بيسحبه الهيدروجين لأنه أيون سالب
الكلور : تمام على الاقل الهيدروجين يبتحملني مامثل هذا الصوديوم الملقوف
الصوديوم : وبعده يسب ؟!! أحسن ننط في الماي الحين وننفصل
الماء : تعالوا تفضلوا
الفصل الثاني
يظهر أيون الكلور محاط بالقطب الموجب من الماء وأيون الهيدروجين محاط بالقطب السالب
الصوديوم : حياك باه
الكلور : حياك الطمطامة
الصوديوم : محد غيرك
الماء : شرايكم نسوي تحليل كهربائي
الصوديوم : كيف
الماء : بنوصل دائرة كهربائية في نهايتها أقطاب جرافيت
الكلور : أنا بروح القطب الموجب
الماء : صح والصوديوم بيروح للقطب السالب
الصوديوم: يعني اقدر أرجع مرة ثانية الى فلز؟
الماء : ممكن بس لاتنسى انه أنا ممكن أختزل بدالك على القطب السالب اللي هو المهبط
الصوديوم : على أي أساس؟
الماء : طبعا إنت تريد تختزل وعندك جهد إختزال وأنا بعد عندي جهد اختزال ,
نقارن بين جهود إختزالنا واللي يطلع أكثر هو راح يختزل
الصوديوم : عيل مافي فايدة لأنه جهد إختزالي سالب
الماء :لحظة افتح السلسلة الكهروكيميائية
الكلور: دوكم اوين الماي يقرأ
الصوديوم : اسكت يالهالوجين
الكلور : والله الهالوجين يعزك ولا يذلك ياقلوي
الماء : ممكن تسكتون عشان أركز
الكلور : اوكي عمي بس لاتبلل الورقة
الماء : شوفوا , جهد اختزال الصوديوم -2.71 والماء -0.83
الكلور : يعني الماء أكثر , خليك ياصوديوم مكانك في المحلول
عمي انا بروح أتأكسد على القطب الموجب
الماء: لحظة الحبيب أنا بعد عندي جهد إختزال عند المصعد شو رايك نقارن؟؟
بس هنا اللي جهده إختزاله أقل هو بيتأكسد
الكلور : زين تفضل بس عسى مايكون حظي مثل صوديوموه
الصوديوم : إسمي الصوديوم ياكلوروه
الماء : ممكن تسكتون ؟ الحين بشوف جهود الإختزال
الكلور : بشرني عمي كيف؟
الماء : جهد إختزال الكلور 1.36 والماء على المصعد 1.23
الصوديوم : شربها الكلور مسكين , خليك بعد في المحلول ولاتتصاعد لأنه جهد إختزالك أكبر من الماء وماممكن تتأكسد
الماء : لحظة شفت شي
الصوديوم والكلور : خيـــــــــــــــــــر
الماء : تصدقون انه أيون الكلور ممكن يتأكسد
الصوديوم : معقولة؟
الكلور : ياهووووووووووووووه
الماء : نعم لأنه للكلور حالة إسئثائية بسبب ارتفاع جهد تأكسده في الماء
الصوديوم : دورلي يمكن تحصل بعد حالة مثلها
الماء : للأسف مافي
الصوديوم : والعمل ؟ أنا ماأريد هذا الكلور يتحرر
الكلور : صحيح انك حاسد
الصوديوم : لو حاسد كنت مابعطيك ألكترون من عندي
الكلور : يمن علي بألكترونه . خذه ماأريده تراني بتأكسد وبفقد الكترون وكل ايونين مني يكونن جزي
الصوديوم : زين شوفولي طريقة اريد أترسب
الكلور : شو نسوي بك ترا الماي مضيع عليك
يتبع,,,,,,,,,,,,,,,,,,,,,,,,,,,,,,